Իսրայելական բանակի մարտական գործողությունը Ռաֆահ քաղաքում (Գազայի հատված) հումանիտար աղետի կհանգեցնի։ Այս մասին հայտնել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրեյեսուսը։
«Ներխուժումը Ռաֆահ աղետ կդառնա»,- գրել է նա X-ում։ ԱՀԿ ղեկավարը հակամարտության կողմերին կոչ է արել դադարեցնել կրակը եւ «ամուր խաղաղություն» հաստատել։
Իրավիճակը Մերձավոր Արեւելքում կտրուկ սրվել է 2023թ. հոկտեմբերի 7-ին Իսրայելի տարածք Գազայի հատվածից պաղեստինյան արմատական ՀԱՄԱՍ շարժման ներխուժումից հետո, որն ուղեկցվել է սահմանամերձ բնակավայրերի բնակիչների սպանություններով եւ ավելի քան 240 մարդկանց պատանդառմամբ։ Արմատականներն այդ գրոհն անվանել են Երուսաղեմի Ալ-Աքսա մզկիթի դեմ Իսրայելի իշխանությունների գործողությունների պատասխանը։ Իսրայելը հայտարարել է Գազայի լիակատար շրջափակման մասին եւ սկսել հարվածներ հասցնել հատվածին եւ Լիբանանի ու Սիրիայի առանձին շրջաններին, ինչից հետո ցամաքային գործողություն է սկսել անկլավում։
