Կարմիր խաչի միջազգային կոմիտեի (ԿԽՄԿ) գլխավոր տնօրեն Պիեռ Կրեյնբյուլը հայտարարել է, որ կազմակերպությունը չի ստանձնի ՄԱԿ-ին առընթեր Մերձավոր Արևելքում Պաղեստինի փախստականների օգնության և աշխատանքի գործակալության (UNRWA) գործառույթները։
«Մեր մանդատները բոլորովին տարբեր են: UNRWA-ն իր մանդատը ստացել է ՄԱԿ-ի Գլխավոր ասամբլեայից, իսկ ԿԽՄԿ-ը՝ Ժնևի կոնվենցիաներից։ Ուստի ԿԽՄԿ-ն չի ստանձնի UNRWA-ի մանդատը: Մենք արդեն բավականաչափ աշխատանք ունենք անելու, չենք ձգտում փոխարինել այլ կազմակերպությունների»,- Le Temps-ին տված հարցազրույցում ասել է Կրեյնբյուլը:
Իսրայելական հետախուզությունը պնդում է, որ UNRWA-ի առնվազն 12 աշխատակից ներգրավված է եղել հոկտեմբերի 7-ին Իսրայելի վրա ՀԱՄԱՍ-ի հարձակմանը, որի հետևանքով զոհվել է ավելի քան 1200 իսրայելցի, իսկ մոտ 250-ը գերեվարվել է: