Տոբոլ գետի ջրի մակարդակը հասել է 532 սմ-ի, հայտնել է ՌԴ Կուրգանի նահանգապետ Վադիմ Շումկովը Telegram-ի իր ալիքում։
Ըստ նրա, 2 ժամում ջրի մակարդակը բարձրացել է 25 սմ-ով։
«Սկսել է անձրև, որը ջրի լրացուցիչ հոսք է տալիս, դժվարացնում է տարհանումը և լրացուցիչ անհարմարություններ ստեղծում։
Այս գիշեր սպասվում է ջրի մակարդակի բարձրացման շատ բարդ իրավիճակ»,- նշել է նա՝ կոչ անելով բնակիչներին անհապաղ հեռանալ ջրածածկ եղող տարածքներից։
«Էներգետիկները ստիպված են լինում անջատել լուսավորությունը, երբ ջուրը մոտենում է՝ վթարներից խուսափելու համար։
Պետք է հեռանալ մութն ընկնելուց առաջ։
Հավաքեք ձեր հարազատներին, փաստաթղթերը, արժեքավոր իրերը և հեռացեք նախապես։ Գիշերը կարող է իրավիճակը կտրուկ վատթարանալ, և դուք չեք հասցնի արձագանքել»,- հավելել է նահանգապետը։
