Գազայի հատվածում 36 հիվանդանոցներից 24-ը չի աշխատում։ Այս մասին նշվել է ՄԱԿ հումանիտար հարցերի համակարգման վարչության զեկույցում։
«Առողջապահության համակարգը Գազայում փլուզվում է շարունակվող մարտական գործողությունների եւ այն խնդիրների հետ կապված, որոնք առնչվում են հասանելիության սահմանափակմանը, ինչը հանգեցնում է շարքից դուրս եկած հիվանդանոցների թվի աճի»,- ասված է փաստաթղթում։
«Մարտի 27-ի դրությամբ, ինչպես տեղեկացրել է ԱՀԿ-ն, 36 հիվանդանոցներից 24-ը Գազայում չի աշխատում։ Երկուսը գործում է նվազագույն մակարդակով Գազայի հյուսիսային մասում, եւս 10-ը գործում է մասամբ, ներառյալ 4-ը՝ Գազայի հյուսիսային եւ 6-ը հարավային մասերում»,- նշվել է զեկույցում։
Իրավիճակը Մերձավոր Արեւելքում խիստ սրվել է Գազայի հատվածից Իսրայելի տարածք 2023թ. հոկտեմբերի 7-ին պաղեստինյան արմատական ՀԱՄԱՍ շարժման ներխուժումից հետո, որն ուղեկցվել է պատանդառությամբ։ Արմատականներն այդ գրոհն անվանել են պատասխան Իսրայելի իշխանությունների գրոհին Երուսաղեմի Ալ-Աքսա մզկիթի դեմ։ Իսրայելը հայտարարել է Գազայի լիակատար շրջափակման մասին եւ սկսել հարվածներ հասցնել անկլավին եւ Լիբանանի ու Սիրիայի առանձին շրջաններին։ Բախումներ են տեղի ունենում նաեւ Հորդանան գետի Արւեմտյան ափին։