ՄԱԿ-ի գլխավոր քարտուղար Անտոնիո Գուտերեշը Կատարի վարչապետ շեյխ Մուհամեդ բեն Աբդուլռահման բեն Ջասիմ Ալ Թանիի հետ քննարկել է Գազայի հատվածում ստեղծված բարդ իրավիճակը։
Պաշտոնյաները համաձայնել են, որ իսրայելական լայնամասշտաբ ռազմական գործողությունը Ռաֆահում աղետալի կլինի և պետք է կանխվի, ասվում է ՄԱԿ-ի հայտարարության մեջ։
«Գուտերեշը խորը երախտագիտություն է հայտնել Կատարին՝ Գազայում հրատապ հրադադարի և պատանդների անհապաղ ազատման շուրջ համաձայնության հասնելու նրա շարունակական միջնորդական ջանքերի համար», - ասվում է ՄԱԿ-ի հայտարարության մեջ:
