ԱՄՆ կառավարությունը հայտարարել է Վայոմինգ նահանգի Շեյեն քաղաքում շահագործումից հանված Cheyenne գերհամակարգչի վաճառքի մասին։
ԸստArstechnica-ի՝ 5,34 պետաֆլոպ արտադրողականությամբ գերհամակարգիչը 2016 թվականին, երբ տեղադրվել է, հզորությամբ 20-րդն էր աշխարհում:
Աճուրդը մեկնարկել է 2500 դոլարից, սակայն ներկա պահին, ըստ «Ամերիկայի ձայն»-ի՝ համակարգչի արժեքը հասել է 480 հազար 85 դոլարի։
Գերհամակարգիչը, որը պաշտոնապես գործել է 2017 թվականի հունվարի 12-ից մինչև 2023 թվականի դեկտեմբերի 31-ը, NCAR-Wyoming-ում, համարվում էր Երկրի մթնոլորտի հետազոտությանը նպաստող էներգաարդյունավետ համակարգչային համակարգերից մեկը:
«Գերհամակարգիչն առանցքային դեր է խաղացել կրթության ոլորտում՝ աջակցելով ավելի քան 80 համալսարանական դասընթացների և ակադեմիական առաջադրանքների: Cheyenne-ի միջոցով անցկացված հետազոտություններն ավելի քան 4500 հրապարակումների, ատենախոսությունների և այլ աշխատությունների հիմք են ծառայել», - նշում է մթնոլորտային հետազոտությունների համալսրանական կորպորացիան (UCAR):