Օտարերկրյա գործակալների մասին օրինագիծը, վրացական իշխանությունների հակաարեւմտյան հռետորաբանությունը սպառնում են Վրաստանի եվրատլանտյան ինտեգրմանը, հայտնել է ԱՄՆ պետդեպարտամենտը։
«Այդ օրինագիծը եւ «Վրացական երազանքի» հակաարեւմտյան հռետորաբանությունը Վրաստանը վտանգավոր հետագիծ են դուրս բերում։ Վրաստանի կառավարության հայտարարությունները եւ գործողություններն անհամատեղելի են դեմոկրատական արժեքների հետ, որոնք ընկած են ԵՄ-ին եւ ՆԱՏՕ-ին անդամակցության հիմքում եւ, այդ կերպ, սպառնալիքի տակ են դնում դեպի եվրատլանտյան ինտեգրացիա Վրաստանի ճանապարհը»,- նշված է պետդեպարտամենտի տարածած հայտարարությունում։
Դրանում նշվել է, որ «օրենքի ընդունման նպատակը քննադատներին լռել ստիպելն է եւ Վրաստանի ակտիվ քաղաքացիական հասարակությունը քայքայելը»։
Արեւմուտքի օգնությունըՎրաստանին տնտեսության եւ դեմոկրատիայի զարգացման ոլորտում, որը ցուցաբերվել է 32 տարվա ընթացքում, «ճիշտ չի բնութագրվում» պաշտոնական Թբիլիսիի կողմից, դա «արմատապես խափանում է ամուր հարաբերությունները, որոնք ձեւավորվել են կառավարության եւ Վրաստանի ժողովրդի հետ», ասել են պետդեպարամենտում։
Պետդեպարտամենտը դատապարտել է «բռնության կիրառումը խաղաղ ցուցարարների, այդ թվում լրագրողների դեմ եւ կոչ է արել իշխանություններին «թույլ տալ խաղաղ ցուցարարներին շարունակել իրականացնել կարծիքների արտահայտման ազատության իրենց իրավունքը»։