Binance կրիպտոարժութային բորսայի հիմնադիր եւ նախկին տնօրեն Չանպեն Չժաոն ԱՄՆ-ում դատապարտվել է չորս ամսվա բանտարկության ֆինանսական հանցագործությունների համար։ Այս մասին տեղեկացրել է Bloomberg գործակալությունը։

Դատական նիստը կայացել է երեքշաբթի Սիեթլի (Վաշինգտոնի նահանգ) դատարանում, Չանպեն Չժաոն մասնակցել է նիստին։ Ինչպես նշել է գործակալությունը, բանտարկության ժամկետը, որը սահմանել է դատավոր Ռիչարդ Ջոնսը, շատ ավելի քիչ է դատախազության պահանջածից, որը պահանջում էր երեք տարվա բանտարկություն։ Փաստաբաններն իրենց պաշտպանյալի համար խնդրել են պայմանական ժամկետ։