Չեխիայի նախագահ Պետր Պավելը կոչ է արել հանրապետությունում ընդունել եվրոպական միասնական արժույթը։ Նա այս հայտարարությունն արել է «ԵՄ-ին Չեխիայի անդամակցության 20 տարին. ընդլայնված Եվրոպայի տեսլականը» միջազգային կոնֆերանսում։
«Եթե մենք ցանկանում ենք խաղալ բարձրագույն լիգայում, ապա տրամաբանական է, օրինակ, եվրոյի ընդունումը։ Երկրների փորձը, որոնք արդեն անցել են եվրոյով հաշվարկներին, հաստատում է, որ դժգոհ են միայն նրանք, ովքեր այն չեն օգտագործում»,- նախագահի խոսքերը մեջբերել է novinky.cz լրատվական պորտալը։
Չեխիայի՝ եվրոյի անցման ուղղությամբ կոնկրետ քայլերի անցնելու անհրաժեշտության մասին Պավելն առաջին անգամ հայտարարել է ամանորյա ուղերձում։ Գործող կառավարական կոալիցիայի հինգ կուսակցություններից չորսը աջակցում է այս նախաձեռնությանը։ Իսկ կոալիցիայի ամենամեծ ուժը, ըստ չեխական ԶԼՄ-ների, Քաղաքացիական դեմոկրատական կուսակցությունը, դրան զուսպ է վերաբերվում՝ նշելով չեխական կրոնի պահպանման անհրաժեշտությունը։