Հազարավոր ցուցարարներ հասել են Վրաստանի կառավարության շենքին։ Ընդդիմության ներկայացուցիչները պահանջում են հանդիպում երկրի վարչապետ Իրակլի Կոբախիձեի հետ և հայտարարում, որ իրենց պահանջը ռուսական կառավարությանը «ոչ» ասելն է։
Ըստ Վրաստանի հանրային Առաջին ալիքի՝ ընդդիմադիրները հանրահավաքի մասնակիցների հետ կառավարության շենքի դիմաց են։ Նրանք սպասում են Կոբախիձեի հետ հանդիպմանը եւ մտադիր չեն հեռանալ։
Վրաստանի ՆԳՆ-ն հայտնել է, որ կառավարության շենքի մոտից երկու հոգի վարչական կարգով բերման է ենթարկվել, իսկ ձերբակալվածներից մեկից սառը զենք է առգրավվել։