Արդարադատության եվրոպական դատարանը չորեքշաբթի որոշում է կայացրել, որ հանգուցյալ կոլումբիացի նարկոբարոն Պաբլո Էսկոբարի անունը չի կարող գրանցվել որպես ապրանքանիշ ԵՄ-ում։ Այս մասին ասված է ԵՄ դատարանի որոշման մեջ։
Դատարանը ուժի մեջ է թողել ԵՄ մտավոր սեփականության գործակալության (EUIPO) որոշումը, որը մերժել է Escobar Inc. ապրանքանիշի հայտը 2022 թվականին։
«EUIPO-ն ճիշտ եզրակացության է եկել, որ Պաբլո Էսկոբարի անունը կկապվեր թմրամիջոցների ապօրինի շրջանառության և նարկոահաբեկչության, ինչպես նաև դրանից բխող հանցագործությունների և տառապանքների հետ, այլ ոչ թե Կոլումբիայի աղքատների անունից նրա հնարավոր բարի գործերի հետ», - ասված է դատարանի հայտարարության մեջ:
Escobar Inc. Պուերտո Ռիկոյում հիմնադրել է Պաբլո Էսկոբարի եղբայրը՝ Ռոբերտո դե Խեսուս Էսկոբար Գավիրիան, ով 12 տարի բանտում է անցկացրել եղբոր հանցավոր կազմակերպությանը մասնակցելու համար, գրում է Reuters-ը։
2020 թվականին Գավիրիան ասել է, որ իր ընկերությունը կթողարկի ծալովի սմարթֆոն, որը կոչվում է Escobar Fold 1: Ընկերությունը ներկայումս վաճառում է Escobar Cash կոչվող կրիպտոարժույթը:
2021 թվականի սեպտեմբերի 30 Escobar Inc. դիմել է EUIPO-ին՝ Pablo Escobar բառային նշանը որպես ապրանքանիշ Եվրոպական Միությունում ապրանքների և ծառայությունների լայն տեսականի գրանցելու համար:
Պաբլո Էսկոբարը գլխավորում էր աշխարհի ամենահզոր հանցավոր կազմակերպություններից մեկը՝ Մեդելինի նարկոկարտելը։