Եվրամիության երկրները մտադիր են սկսել պաշտոնական բանակցություններն իրենց կազմում Մոլդովայի եւ Ուկրաինայի ընդգրկման մասին արդեն հունիսի 25-ին։ Այս մասին տեղեկացրել է Politico-ի եվրոպական պարբերականը՝ հղում կատարելով հինգ դիվանագետների։

Թերթի տեղեկացմամբ՝ այս մտադրության մասին անդամ երկրները հայտնել էին դեռ 2023թ. դեկտեմբերին, սակայն որոշումը հետաձգվում էր Հունգարիայի անհամաձայնության եւ այն մտավախության պատճառով, որ ԵՄ ընդլայնման հարցը կարող է առանցքային թեմա դառնալ Եվրախորհրդարանի ընտրությունների ժամանակ, որոնք կայանալու են հունիսի 6-9-ին։