Յակուտիայում ջրհեղեղի հետևանքով Օլեկմինսկի շրջանի Իննյախ գյուղի բնակելի տները ջրի տակ են անցել, հայտնում է «Մոսկովսկի կոմսոմոլեցը»՝ վկայակոչելով ականատեսների կադրերը։

Սա նշանակում է, որ Լենա գետում ջրի մակարդակը բարձրացել է առավելագույն թույլատրելի մակարդակից։

Փողոցներն ու տրանսպորտը ջրի տակ են անցել, հայտնում են մի շարք լրատվամիջոցներ։ Մարդիկ ստիպված են նավակներով տեղաշարժվել։

Միաժամանակ Օլեկմինսկի շրջանի վարչակազմը ճշտել է, որ ջուրը հասել է Դելգեյ և Իննյախ գյուղեր։ Դելգեյ գյուղում տուժել է 1, Իննյախում՝ 6 տուն։ Խցանումն առաջացել է Իննյախ գյուղի վերևի հատվածում։

Երկու բնակավայրերում էլ՝ Դելգեյում և Իննյախում, սպասվում է ջրի մակարդակի անկում։