Մալայզիայում երկու ռազմական ուղղաթիռ է կործանվել շքերթի նախապատրաստման ժամանակ։ Երկրի արևմուտքում գտնվող Լումուտի ռազմածովային բազային պատկանող ուղղաթիռները օդում բախվել են ապրիլի 23-ի առավոտյան։
Մալազիայի ռազմածովային ուժերի ներկայացուցիչները հայտնել են, որ ուղղաթիռներում եղել է 10 մարդ, բոլորը զոհվել են: Միջադեպի վերաբերյալ հետաքննություն է սկսվել, վթարի պատճառների մասին դեռ չի հաղորդվում։
Ուղղաթիռները, ինչպես նշվում է, փորձնական թռիչք էին իրականացնում Մալայզիայի ռազմածովային ուժերի 75-ամյակին նվիրված շքերթից առաջ, որը կանցկացվի ապրիլի 27-ին։