Բելգիան 200 միլիոն եվրո է հատկացրել Կիևին արկեր գնելու համար՝ Չեխիայի նախաձեռնության շրջանակներում և մտադիր է ևս «միլիոնավոր եվրոներ» հատկացնել զենքի մատակարարման համար, հայտարարել է Բելգիայի արտաքին գործերի նախարար Աջա Լաբիբը՝ Եվրամիության արտգործնախարարների և պաշտպանության նախարարների՝ Լյուքսեմբուրգում կայացող հանդիպմանը ժամանելուն պես:
«Բելգիան արդեն 200 միլիոն եվրո է հատկացրել Չեխիայի նախաձեռնության շրջանակներում: Ես հանդես եմ գալու հօգուտ նրա, որ մենք էլի միլիոնավոր եվրոներ հատկացնենք, քանի որ թեև մենք ներդրումներ ենք կատարում Ուկրաինայի վերականգնման համար, սակայն այժմ ավելի կարևոր է ամրապնդել նրա ռազմական համակարգը և խանգարել Ռուսաստանի առաջխաղացումն ու մոտեցումը Եվրոպային»,- ասել է նա՝ հայտարարելով, որ Ուկրաինային զենք մատակարարելը «ԵՄ բարոյական պարտքն է»։
