Ռուսթավելի պողոտայում՝ Թբիլիսիի Չիչինաձեի փողոցում, ցույցի մասնակիցները հարձակվել են «Իմեդի» հեռուստաընկերության լրագրողի վրա, դրա մասին հայտնել է Վրաստանի հանրային Առաջին ալիքը։
Հանրահավաքի մասնակիցները վիրավորական արտահայտություններ են արել նկարահանող խմբի հասցեին և խոչընդոտել լրագրողական գործունեությանը։
Արդեն մի քանի ժամ է, ինչ խորհրդարանի մոտ բողոքի ցույց է ընթանում։ Հանրահավաքին մասնակիցները բողոքում են «թափանցիկության օրինագծի» դեմ և պահանջում դրա չեղարկումը։
Վրաստանի ՆԳՆ-ն հայտարարություն է տարածել՝ խորհրդարանի մոտ ընթացող ցույցի մասնակիցներին իրավապահների ցուցումներին ենթարկվելու և բռնի գործողություններից ձեռնպահ մնալու կոչ անելով։ ՆԳՆ-ն հայտնել է, որ յուրաքանչյուր խախտման փաստին կհետևի ոստիկանության համապատասխան իրավական արձագանքը։