Մեխիկոյում ուղղաթիռի կործանման հետևանքով առնվազն երեք մարդ է զոհվել։ Այս մասին հայտնել է Մեքսիկայի մայրաքաղաքի հանրային անվտանգության քարտուղարության ղեկավար Պաբլո Վասկես Կամաչոն։
«Այս պահին հաստատվել է երեք մարդու մահը։ Բնակչությանը և հարակից տներին վտանգ չի սպառնացել»,- գրել է պաշտոնյան X-ում: Նա նաև հայտնել է, որ ուղղաթիռը կործանվել է քաղաքի հարավում՝ Կոյոական շրջանում:
Մեխիկոյի դատախազությունն իր հերթին հայտարարել է Bell 206 ուղղաթիռի կործանման հանգամանքների հետաքննությունը սկսելու մասին։