Իսրայելի վրա հարձակման համար Իրանին հետեւանքներ են սպասվում, որոնց մասշտաբները կախված կլինեն վնասից։ Այս մասին հայտարարել է Իսրայելի պաշտպանության բանակի (ՑԱԽԱԼ) պահեստազորի ներկայացուցիչ Ջոնաթան Կոնրիկուսը։
«Նրանք [իրանցիները] կբախվեն հարձակման հետեւանքներին, որոնք կախված կլինեն այն բանից, թե որքան վնաս կհասցվի Իսրայելին», - ասել է նա CNN-ի եթերում:
Կոնրիկուսը նաև հաստատել է, որ ԱՄՆ-ը որսացել է իրանական անօդաչու թռչող սարքերից մի քանիսը։
Շաբաթ օրն Իսրայելի պաշտպանության բանակի մամուլի ծառայությունը հայտնել է, որ Իրանն իր տարածքից տասնյակ անօդաչու թռչող սարքեր է արձակել Իսրայելի ուղղությամբ։
