Նախնական տվյալներով՝ ձերբակալվել է Կրասնոգորսկում տեղի ունեցած ահաբեկչության մեջ կասկածվողներից մեկը, հայտնել է «Mash» թելեգրամյան ալիքը՝ հղում անելով իր աղբյուրներին։

Հաղորդվում է, որ «Crocus City Hall» համերգասրահի վրա գրոհը շարունակվում է։ Նշվել է, որ շենքի տանիքը քանդվել է։ Հրդեհի տարածքը մոտ 3000 քմ է։

«Crocus City Hall»-ում տեղի ունեցած ահաբեկչության հետևանքով զոհվել է առնվազն 40, վիրավորվել՝ ավելի քան 100 մարդ։ ՌԴ Քննչական կոմիտեն քրեական գործ է հարուցել «Ահաբեկչական գործողություն» հոդվածով։