Թուրքիան, ԱՄԷ-ն, Սաուդյան Արաբիան, Կատարը և Շվեյցարիան պատրաստ են Ուկրաինայում պատերազմը դադարեցնելու բանակցությունների հարթակ դառնալ, հայտարարել է Ուկրաինայի նախագահ Վլադիմիր Զելենսկին շաբաթ օրը՝ օգոստոսի 30-ին, տեսաուղերձում, հաղորդում է Korrespondent.net-ը։
«Այսօր ես զեկույց ստացա Ռուստեմ Ումերովից (Ազգային անվտանգության և պաշտպանության խորհրդի քարտուղար - խմբ.): Նա վերադարձել է Թուրքիայում, ԱՄԷ-ում կայացած հանդիպումից: Հանդիպումներ են եղել նաև Սաուդյան Արաբիայում և Կատարում: Մենք նաև աշխատում ենք Շվեյցարիայի հետ: Այս երկրներից յուրաքանչյուրը պատրաստ է դառնալ պատերազմը դադարեցնելու բանակցությունների հարթակ: Ես շնորհակալ եմ նրանց դրա համար», - ասել է նա։
Զելենսկու խոսքով՝ նա այժմ սպասում է նախագահի աշխատակազմի ղեկավար Անդրեյ Երմակի զեկույցին, որը երեկ բանակցություններ է վարել Սպիտակ տան հատուկ ներկայացուցիչ Սթիվ Ուիտկոֆի հետ Միացյալ Նահանգներում։
«Մենք պատրաստվում ենք այս շաբաթ Եվրոպայում կայանալիք հանդիպմանը: Մենք ամեն ինչ անում ենք, որպեսզի Ռուսաստանի գործողություններին կոշտ արձագանք լինի», - հավելել է պետության ղեկավարը։
Նրա կարծիքով, Ռուսաստանի նախագահ Վլադիմիր Պուտինը «միայն խաբում է առաջնորդներին և նրանց ներքաշում իր հանցակիցների շարքը»։ «Նա դեն է նետում պատժամիջոցների սպառնալիքը՝ այս կերպ հետաձգելով։ Նրան ուրիշ ոչնչով չի հետաքրքրում։ Կարևոր է, որ մենք միասին մղենք Ռուսաստանին դադարեցնել պատերազմը», - եզրափակեց Զելենսկին։
