Պաղեստինյան ՀԱՄԱՍ շարժման պատվիրակությունը Կահիրեում հանդիպել է Իսրայելի հետ հակամարտության միջնորդների հետ և ստացել Գազայի հատվածում հրադադարի նոր առաջարկ, հաղորդում է Agence France-Presse (AFP)-ն՝ հղում անելով անանուն պաղեստինցի պաշտոնյայի։
«ՀԱՄԱՍ-ի պատվիրակությունը եգիպտացի և կատարցի միջնորդներից հրադադարի նոր առաջարկ է ստացել», - ասել է նա։
Գործակալության զրուցակցի խոսքով՝ «առաջարկը երկարատև հրադադարի շուրջ բանակցություններ սկսելու շրջանակային համաձայնագիր է»։ Ըստ AFP-ի՝ համաձայնագրի նախագիծը ներառում է ԱՄՆ-ի կողմից ավելի վաղ առաջարկված կետեր, մասնավորապես՝ 60-օրյա հրադադար և երկու փուլով պատանդների ազատ արձակում։ ՀԱՄԱՍ-ի ղեկավարությունը կքննարկի առաջարկված տարբերակը և որոշում կկայացնի։
ՀԱՄԱՍ-ի պատվիրակությունը՝ Գազայի հատվածի շարժման առաջնորդ Խալիլ ալ-Հայյայի գլխավորությամբ, օգոստոսի 12-ին եգիպտական կողմի հրավերով ժամանել է Կահիրե: Նույն օրը Եգիպտոսի արտաքին գործերի նախարար Բադր Աբդել Աթին հայտարարել է, որ Կահիրեն, Համասի և Իսրայելի միջև միջնորդ հանդիսացող Դոհայի և Վաշինգտոնի հետ համակարգված աշխատանք է տանում հակամարտության կողմերին Գազայի հատվածում 60-օրյա հրադադարի առաջարկին վերադարձնելու ուղղությամբ: Պաղեստինյան շարժմանը մոտ կանգնած Maan գործակալության տվյալներով՝ Եգիպտոսը և Կատարը մշակել են հակամարտող կողմերի միջև հաշտեցման նոր սխեմա, որը ներառում է անցումային շրջան, որի ընթացքում արմատականները պետք է ձեռնպահ մնան անկլավում ռազմական գործողություններից:
