Քենիայի արևմուտքում տեղի ունեցած ավտոբուսի վթարի հետևանքով զոհվել է առնվազն 25 մարդ, այդ թվում՝ մեկ երեխա, հաղորդում է Daily Nation թերթը՝ հղում անելով ճանապարհային ոստիկանության խոսնակ Պիտեր Մայնային։
«Քսանհինգ մարդ զոհվել է, երբ հուղարկավորությունից վերադարձող մարդկանց տեղափոխող ավտոբուսը շրջվել է՝ Կիսումու քաղաքից դեպի Կակամեգա ուղևորվող ճանապարհին», - գրել է թերթը։
Ականատեսների խոսքով՝ վարորդը չի կարողացել հաղթահարել շրջադարձը, ինչի հետևանքով ավտոբուսը դուրս է եկել ճանապարհից և շրջվել։
