Դարաշրջանի ավարտ. 24 տարի անց Volkswagen-ը դադարեցնում է Touareg-ի արտադրությունը։ Գրեթե քառորդ դար արտադրությունից հետո Volkswagen ընկերությունը պատրաստվում է վերջնականապես դադարեցնել իր մեծ քրոսովեր Touareg-ի արտադրությունը, հայտնում է Motor.ru-ն։ 2002 թվականին առաջին անգամ ներկայացված մեքենան ուղղակի հետնորդ չի ունենա։

Volkswagen-ի մոդելային շարքում առաջատար ամենագնացի դերը կանցնի Tayron մոդելին։ Նման որոշումը թելադրված է կոնցեռնի ընդհանուր ռազմավարությամբ, որն այժմ խաղադրույք է կատարում ավելի զանգվածային մեքենաների վրա։

Touareg-ի պատմությունը սկսվել է Volkswagen-ը պրեմիում դասի սեգմենտ դուրս բերելու հավակնոտ խնդրից։ Հետաքրքիր է, որ քրոսովերը ստեղծվել է Porsche-ի հետ սերտ համագործակցությամբ. այն կիսում է հարթակը Cayenne մոդելի հետ։ Արտադրության ընթացքում Touareg-ը փոխել է երեք սերունդ, և շուկայում ներկայացված վերջին՝ երրորդ սերունդը, թարմացում է ստացել 2023 թվականին։