Կառավարությունը մտադիր է վաճառել «Վիվա Արմենիա» ընկերությունում իր ունեցած 20 տոկոս բաժնետոմսերը։ «Վիվա Արմենիա»-ի բաժնետեր «Ֆեդիլքո գրուպ լիմիթեդ» կիպրական ընկերությունը Կառավարությանն առաջարկել է կնքել օպցիոն պայմանագիր, որին գործադիրը մտադիր է համաձայնություն տալ։ Համապատասխան որոշումը կկայացվի Կառավարության վաղվա նիստում։
Ըստ պայմանագրի՝ Կառավարությունն ընկերությունում իր 20 տոկոսը վաճառելու դեպքում ստանալու է 50 միլիոն դոլար։
Հատկանշական է, որ որոշման վերաբերյալ մտահոգություններ են ներկայացրել Ֆինանսների եւ Արդարադատության նախարարությունները։
