Դանիայում հրդեհ է բռնկվել Կոպենհագենի մերձակայքում գտնվող Novo Nordisk դեղագործական հսկայի տարածքում, հայտնում է DR-ն։

Հրդեհը բռնկվել է Կոպենհագենի մերձակայքում գտնվող Բագսվարդ քաղաքի տարածքներից մեկում։

Ընկերությունից հայտնել են, որ հրդեհը բռնկվել է տարածքից դուրս և այնտեղից տարածվել գրասենյակի շենք։ «Հրշեջները տեղում են և սկսել են մաքրման աշխատանքները, որոնք կարող են տևել մի քանի ժամ։ Ծուխը թունավոր չէ, զոհեր և վիրավորներ չկան»,- նշել են նրանք լրատվամիջոցներին տված մեկնաբանությունում։

Միևնույն ժամանակ, մարզային ոստիկանությունը զգուշացրել է, որ հրդեհից շատ ծուխ է եկել, և տեղի բնակիչների համար լավագույնն է մնալ տանը և ամուր փակել պատուհանները։