Հարցին, թե որն է եղել Իրանի նախագահի ուղղաթիռի կործանման պատճառը, հնարավոր է հստակ պատասխան չտրվի։ Դրա մասին մայիսի 21-ին լրագրողների հետ հանդիպմանն ասել է քաղաքական վերլուծաբան Արգիշտի Կիվիրյանը։
Նա նշել է, որ Իրանը բազմաթիվ թշնամիներ ունի, որոնց թվում՝ Իսրայելը, ԱՄՆ-ը և Բրիտանիան ու հիշեցրել ամերիկացիների կողմից իրանցի գեներալ Ղասեմ Սոլեյմանիի սպանության, ինչպես նաև Սիրիայում Իրանի դիվանագիտական ներկայացուցչության վրա վերջին հարձակումների մասին։ Կիվիրյանը միաժամանակ հորդորել է հաշվի առնել Իրանի ավիացիոն նավատորմի հնացած լինելը։
«Բայց եթե Իրանի շուրջ կամ երկրի ներսում կտրուկ փոփոխություններ լինեն, նաև՝ հետընտրական բողոքի ցույցերի տեսքով, դա կարող է հուշում լինել: Առաջիկա ամիսների զարգացումները կարող են հարցերի պատասխաններ տալ»,- ընդգծել է նա։
Փորձագետը հավելել է, որ Իրանի նախագահ Ռաիսին եղել է Իրանի գերագույն առաջնորդի իրավահաջորդի կարգավիճակի հիմնական թեկնածուներից մեկը։
Կիվիրյանը չի բացառել, որ Իրանի հաջորդ նախագահն ավելի արմատական կլինի և սերտորեն կապված կլինի Իսլամական հեղափոխության պահապանների կորպուսի հետ։
