Ուկրաինային ավելի շատ հեռահար սպառազինություն է անհրաժեշտ՝ խափանելու Ռուսաստանի առաջխաղացումը հյուսիսային Խարկովի մարզում, որտեղ իրավիճակը երկրի մեծությամբ երկրորդ քաղաքի շուրջ մնում է «շատ դրամատիկ»: Այս մասին հայտարարել է Գերմանիայի արտգործնախարար Աննալենա Բերբոքը փոխանցում է Reuters-ը։
Կարևոր է կտրել ռուսական մատակարարման ուղիները և Ուկրաինային տրամադրել զենք, որը «կարելի է օգտագործել միջին և մեծ հեռահարության վրա», - ասել է Բերբոքը՝ Ստրասբուրգում արտգործնախարարների հանդիպման շրջանակում:
«Մենք այս ուղղությամբ աշխատում ենք նաև այլ գործընկերների հետ », - ասաց նա՝ նշելով, որ ընդհանուր առմամբ «չափազանց բարդ իրավիճակ է»։
Գերմանիան դարձել է Ուկրաինայի երկրորդ խոշորագույն զենք մատակարարը 2022 թվականին ռուսական ներխուժումից հետո, սակայն կանցլեր Օլաֆ Շոլցը մինչ այժմ ձեռնպահ է մնացել Կիևին հեռահար Taurus հրթիռներով զինելուց: