Սպանվել է երկու ֆրանսիացի բանտի աշխատակից, երեքը՝ ծանր վիրավորվել Ֆրանսիայի Նորմանդիայի շրջանում նրանց ավտոշարասյան վրա հարձակման հետևանքով, որի ժամանակ բանտարկյալը փախել է:
Մեքենան հարձակման է ենթարկվել Ռուանում դատավարությունից հետո «Ճանճ» մականունով բանտարկյալ Մոհամեդ Ամրային Էվրյո բանտ տեղափոխելիս: Ամրան խիստ հսկողության տակ էր և վերջերս դատապարտվել էր բնակարանային գողության համար: Դատախազ Լոր Բեկկոն նշել է, որ հետաքննվում էր նաևր Մարսելում առևանգման և սպանության՝ նրա գործը:
Ըստ Ֆրանսպրեսի՝ Արդարադատության նախարար Էրիկ Դյուպոն-Մորետտին հայտարարել է, որ արտակարգ դրությունը հարթելու համար կմիանա ճգնաժամային թիմին:
«Հանցագործներին հայտնաբերելու համար օգտագործվում են բոլոր միջոցները։ Իմ հրամանով մի քանի հարյուր ոստիկան ու ժանդարմ են մոբիլիզացվել»,- X-ի իր միկրոբլոգում գրել է ներքին գործերի նախարար Ջերալդ Դաարմանինը։
«Այսօր առավոտյան բանտի աշխատակիցների կյանքը խլած հարձակումը ցնցել է բոլորիս: Ազգն աջակցում է ընտանիքներին, վիրավորներին և նրանց գործընկերներին»,- ասել է Ֆրանսիայի նախագահ Էմանուել Մակրոնը։
Ֆրանսիայի հյուսիս-արևմտյան շրջանում բանտային մեքենայի վրա հարձակումը իրավապահ մարմիններին ստիպել է լայնածավալ գործողություն իրականացնել, իշխանությունները փորձել են շրջափակել տարածքը և ձերբակալել հարձակվողներին:
