Արեւմուտքը ցանկանում է մարտադաշտում լուծել ուկրաինական հակամարտությունը, եթե ցանկանում է՝ «կլինի մարտադաշտում»։ Այս մասին հայտնել է ՌԴ արտաքին գործերի նախարարի պաշտոնակատար Սերգեյ Լավրովը Դաշնության խորհրդում, որտեղ տեղի են ունենում պրոֆիլային կոմիտեի խորհրդակցություններընայդ պաշտոնում նրա վերընտրման վերաբերյալ։
«Եթե ցանկանում են [հակամարտության լուծումն Ուկրաինայում] մարտադաշտում, ապա կլինի մարտադաշտում»,- ասել է Լավրովը։
Նա նշել է, որ Ռուսաստանը պատրաստ է բանակցությունների ոչ միայն խոսքով, այլեւ գործով։ «Իսկ մենք Ստամբուլում իսկապես մեկ քայլ էինք հեռու, որպեսզի ստորագրեինք նախաստորագրված փաստաթուղթը եւ դրանով իսկ ավարտեինք հատուկ ռազմական գործողությունը, ինչպես այժմ խոստովանում են Ուկրաինայի հովանավորները, Ուկրաինայի համար շատ շահեկան պայմաններով»,- նշել է Լավրովը։- Մեր քաղաքագետները նույնպես այդ մասին ասում են։ Ես դրան համաձայն եմ»։
Նրա խոսքով՝ դա վերջին դեպքն էր, երբ Ռուսաստանի ղեկավարությունը, «ի հեճուկս նախորդ բազմաթիվ խաբեությունների Արեւմուտքի կողմից, որոշեց, այնուամենայնիվ, հավատալ եւ բարի կամք դրսեւորել»։ «Նորից խաբեցին, նորից ստիպեցին կռվել»,- փաստել է Լավրովը։