Ռուսաստանի պաշտպանության նախարարությունում կատարվող վերադասավորումները եւ Սերգեյ Շոյգուին Անդրյ Բելոուսովով փոխարինելը վկայում են այն մասին, որ ՌԴ նախագահ Վլադիմիր Պուտինը ձեռնարկում է Ուկրաինայում ձգձգվող պատերազմի եւ ապագայում ՆԱՏՕ-ի հետ առճակատման քայլեր, գրել է Պատերազմի ամերիկյան ինստիտուտը (ISW)։
Բելոուսովի նշանակումը պաշտպանության նախարարի պաշտոնում կարեւոր իրադարձություն է երկար ձգվող հակամարտության համար տնտեսական պայմանների ստեղծման առումով, նշում են փորձագետները։ Բելոուսովը զինվորական փորձ չունի, բայց դա չի կարելի անոմալ համարել. Շոյգուն նույնպես բանակում ծառայության փորձ չուներ։
Բելոուսովը մոտ մեկ տասնամյակ գտնվել է տնտեսական զարգացման նախարարի պաշտոնում եւ մասնակցել տարբեր ինովացիոն նախագծերի կառավարմանը, այդ թվում անօդաչուների ստեղծման, նա պատրաստվել է ղեկավարել մի գերատեսչություն, որը Շոյգուի օրոք բախվել է կոռուպցիայի մեղադրանքների եւ ենթարկվել քննադատության։
Բելոուսովն ավելի շատ ունի արդյունավետ տեխնոկրատի համբավ, իսկ աղբյուրները հավաստիացնում են, որ նա լավ հարաբերությունների մեջ է Պուտինի հետ։
Պուտինը, հավանաբար, մտադիր է օգտագործել Բելոուսովի փորձը ռազմական եւ տնտեսական քաղաքականությունը միավորելու համար։ Այդ ջանքերը վկայում են այն մասին, որ Կրեմլը շարունակում է պատրաստվել երկարատեւ պատերազմի Ուկրաինայում, նշել է ISW-ն։
