ԱՄՆ նախագահ Ջո Բայդենը չորեքշաբթի հայտարարել է, որ ԱՄՆ դաշնակից Ճապոնիան Չինաստանի և Ռուսաստանի նման երկրների շարքում այլատյացության պատճառով տնտեսական դժվարություններ է ապրում, հայտնել է NBC News-ը։
Վաշինգտոնում ասիացի ամերիկացիների, բնիկ հավայացիների և Խաղաղօվկիանոսյան կղզիների ժառանգության ամսվա մեկնարկը նշանավորող նախընտրական դրամահավաքին ելույթ ունենալով՝ Բայդենը հայտարարել է, որ Միացյալ Նահանգների տնտեսության աճին մասամբ նպաստում է ԱՄՆ-ում ներգաղթյալներին տեղ տալը:
«Մտածեք դրա մասին, ինչո՞ւ է Չինաստանն այդքան վատ զարգանում: Ինչու՞ է Ճապոնիան դժվարության մեջ: Ինչու՞ Ռուսաստանը: Որովհետև նրանք այլատյացներ են։ Նրանք ներգաղթյալներ չեն ուզում»,- ասել է նա:
Ճապոնիան ԱՄՆ-ի վաղեմի դաշնակիցն է Ասիա-Խաղաղօվկիանոսյան տարածաշրջանում, և Բայդենը ամրապնդում է անվտանգության կապերը Տոկիոյի հետ՝ տարածաշրջանում Չինաստանին դիմակայելու համար: Անցյալ ամիս նա Վաշինգտոնում հյուրընկալել է վարչապետ Ֆումիո Կիսիդային՝ գագաթնաժողովի շրջանակում և պաշտոնական ընթրիքի ժամանակ:
Ճապոնիան առայժմ չի արձագանքել Բայդենի կոչին։