Կառավարությունն իր այսօրվա՝ մայիսի 2-ի նիստում գերակա ոլորտում իրականացվող ներդրումային ծրագրի շրջանակներում ներմուծման մաքսատուրքից ազատեց «ՆԱԶԱՐՅԱՆ ՔՈՒԼԻՆԳ ՍԻՍԹԵՄՍ» սահմանափակ պատասխանատվությամբ ընկերությանը:
Այս ընկերության կողմից ներմուծվող սարքավորումները նախատեսվում է օգտագործել բետոնի արտադրության համար։
Արտադրությունն իրականացվելու է ՀՀ Երևան քաղաքում։ Ընկերությունը հիմնադրվել է 2007թվականին։
Ծրագրի շրջանակներում նախատեսվում է իրականացնել 600 մլն դրամի կապիտալ ներդրում, որից 130 մլն դրամը շինարարական աշխատանքների իրականացման, իսկ մնացած մասը սարքավորումների ձեռքբերման համար։
Ներկայումս առկա է 16 աշխատատեղ՝ 250 հազ դրամ միջին ամսական աշխատավարձով։ Ներդրումային ծրագրի շրջանակներում մինչև 2025 թվականը նախատեսվում է ստեղծել 1 նոր աշխատատեղ՝260 հազ դրամ միջին ամսական աշխատավարձով։
Արտոնություն ստանալու համար ներկայացված ապրանքների արժեքը կազմում է417․3 մլն դրամ: Մաքսատուրքից ազատման արտոնությունը գնահատվում է 50 մլն դրամ:
