«Մեծ յոթնյակի» երկրների (G7) էներգետիկայի նախարարները սկզբունքային համաձայնության են հասել մինչեւ 2030-ականների կեսը էլեկտրաէներգիայի արտադրությունում ածխից հրաժարվելու մասին։

«Կա տեխնիկական համաձայնություն»,- երկուշաբթի՝ ապրիլի 29-ին ասել է Իտալիայի էներգետիկայի նախարար Ջիլբերտո Պիկետո-Ֆրատինը Թուրինում կայացած հանդիպման ժամանակ։

Վերջնական համաձայնությունը պետք է ստորագրվի երեքշաբթի՝ ապրիլի 30-ին։ Կհրապարակվի տնտեսության դեկարբոնացման մանրամասն պլանը։ G7-ի երկրները դեռ 2023թ. պայմանավորվել էին հրաժարվեկ ածխով աշխատող էլեկտրակայաններից, բայց երկրները չկարողացան համաձայնության գալ ընդհանուր ժամկետի հարցում։