Միացյալ Նահանգները 6 միլիարդ դոլար է հատկացրել Կիևին որպես ռազմական օգնություն: Ըստ BBC-ի՝ դրա մասին հայտարարել է Պենտագոնի ղեկավար Լլոյդ Օսթինը «Ռամշտայնի» ձևաչափով Ուկրաինայի պաշտպանության կոնտակտային խմբի հերթական հանդիպումից հետո։
Այդ միջոցները Վաշինգտոնին հնարավորություն կտան Ուկրաինայի զինված ուժերի համար զենք գնել ամերիկյան ձեռնարկություններից։
«Փաթեթը կներառի NASAMS և Patriot համակարգերի համար ծայրահեղ կարևոր միջոցներ, ավելի շատ ԱԹՍ-ներ և այլ սարքավորումներ, մեծ քանակությամբ հրետանային արկեր և «երկիր-օդ» հրթիռներ»,- շեշտել է Օսթինը։