Ենթադրությունները, թե իբր Ռուսաստանը և Բելառուսը կարող են հարձակվել Լեհաստանի կամ Բալթյան երկրների վրա, անհիմն են։ Մոսկվան և Մինսկը նման ծրագրեր չունեն, ՏԱՍՍ-ին ասել է Բելառուսի Անվտանգության խորհրդի պետքարտուղարի առաջին տեղակալ Պավել Մուրավեյկոն։
«Ոչ ոք չի պատրաստվում հարձակվել ո՛չ Լեհաստանի, ո՛չ էլ Բալթյան երկրների վրա։ Ոչ ոք չի պատրաստվում որևէ կանխամտածված քայլ ձեռնարկել՝ խախտելու այդ երկրների ինքնիշխանությունն ու ամբողջականությունը»,- ընդգծեց նա։
Մուրավեյկոն ուշադրություն է հրավիրել այն փաստի վրա, որ մինչ այժմ ագրեսիվ հարձակումների են ենթարկվել միայն իրենք՝ Ռուսաստանը և Բելառուսը։ «Սա ներառում է պատժամիջոցներ, սա ներառում է փակ սահմաններ, սա ներառում է սահմանի վրա պարիսպ կառուցելը, սա ներառում է մարտական ստորաբաժանումներ, բացառությամբ սահմանապահների, սահմանային գոտում պահելը», - բացատրեց նա:
