Բելառուսի նախագահ Ալեքսանդր Լուկաշենկոն Համաբելառուսական ժողովրդական ժողովի ժամանակ հայտարարել է, որ ուկրաինական իրադարձությունների պատասխանատուն միայն այժմյան նախագահ Վլադիմիր Զելենսկին չէ, այլև երկրի նախկին ղեկավարները։
Ըստ նրա՝ նախորդ նախագահները թալանել են երկիրը՝ ժողովրդին հասցնելով չքավորության, մինչդեռ իրենց գրպանները լի էին ավարով։ Նա հավելել է, որ երկիրը փլուզման տանելը մեծ ջանք չի պահանջում։
«Բավական է հիշել օտարերկրյա բանկերում հաշիվների մասին, կառավարիչներն իրենց ձեռքով կհանձնեն երկիրը։ Օրինակները շատ են։ Հաիթիից մինչև Ֆիլիպիններ: Հետո էլ Ուկրաինայում այս ամենը Վոլոդյա Զելենսկու օրոք չի ստեղծվել։ Եվ միայն նա չի մեղավոր տեղի ունեցողի համար»,- շեշտել է Լուկաշենկոն։
Բելառուսի նախագահը հավելել է, որ իր աչքի առաջ՝ Ուկրաինայի «առաջինից մինչև վերջին նախագահն» ամեն ինչ բաժան-բաժան են արել ու թալանել։
