ԱՄՆ պետքարտուղար Էնթոնի Բլինքենը չորեքշաբթի ժամանել է Շանհայ՝ սկսելով իր աշխատանքային այցը Չինաստան։ Այս մասին հայտնում է China Media Corporation (CMG) ռեսուրսներից մեկը։
Բլինքենը Չինաստանում կլինի ապրիլի 24-26-ը։ ԱՄՆ պետքարտուղարի պաշտոնում սա Բլինքենի երկրորդ այցն է Չինաստան։
Ինչպես ավելի վաղ հայտնել էր Պետդեպարտամենտի խոսնակը Բլինքենի այցի վերաբերյալ լրագրողների համար հատուկ ճեպազրույցում, պետքարտուղարը «վերջին երկու տարվա ընթացքում կշարունակի ինտենսիվ դիվանագիտական [շփումները Միացյալ Նահանգների և Չինաստանի միջև]»՝ այցելելով Շանհայ և Պեկին: Սպասվում է, որ այցի ընթացքում Բլինքենը կհանդիպի «Չինաստանի բարձրաստիճան պաշտոնյաների», մասնավորապես՝ արտգործնախարար Վան Իի հետ։