Ուկրաինայի նախագահ Վլադիմիր Զելենսկին այն բանից հետո, երբ ԱՄՆ Ներկայացուցիչների պալատը հաստատել է Ուկրաինային ֆինանսական օգնությունը, անմիջապես Twitter-ի իր էջում շնորհակալություն է հայտնել ԱՄՆ-ում դրան մասնակից բոլոր մարդկանց։
«Շնորհակալություն յուրաքանչյուրին, ով աջակցել է մեր փաթեթին. սա կյանքը պաշտպանելու լուծում է: Հուսով եմ, որ փաթեթի քննարկումն ԱՄՆ Սենատում և նախագահ Բայդենին դրա փոխանցումը բավականին արագ կլինի»,- ասել է Ուկրաինայի նախագահը։
Միևնույն ժամանակ, նա խոստացել է օգտագործել ամերիկյան աջակցությունը «մեր երկու ժողովուրդներին ուժեղացնելու և այս պատերազմի արդար ավարտը մոտեցնելու համար՝ պատերազմ, որում Պուտինը պետք է պարտվի»։
