Շվեդիայի արտաքին գործերի նախարար Թոբիաս Բիլստրյոմն արձագանքել է Հարավային Կովկասում ԵՄ հատուկ ներկայացուցիչ Տոյվո Կլաարի՝ Տավուշում Հայաստանի և Ադրբեջանի պետական հանձնաժողովների հանդիպման մասին գրառմանը։
Նրա կարծիքով, սա «շատ լավ նորություն է» երկու հանրապետությունների, ինչպես նաև ողջ Հարավային Կովկասի համար։
«Շատ լավ նորություն Հայաստանի և Ադրբեջանի, ինչպես նաև ողջ Հարավային Կովկասի տարածաշրջանի համար։ Այս դրական զարգացման շնորհիվ մենք կարող ենք զգալի առաջընթաց տեսնել տարածաշրջանի տնտեսական զարգացման, ենթակառուցվածքների և տնտեսական աճի ոլորտներում: Շվեդիան լիովին հավատարիմ է այս նպատակին հասնելուն»,- գրել է նա X-ի իր միկրոբլոգում:
