Շախմատի նիգերիացի չեմպիոն և երեխաների կրթության ջատագով, 29-ամյա Թունդե Օնակոյան 60 ժամ անդադար շախմատ է խաղացել Նյու Յորքի Թայմս Սքուերում՝ գերազանցելով Գինեսի ռեկորդը ամենաերկար շախմատային մարաթոնի համար, հայտնում է AP-ն։
Նա մտադիր էր շախմատ խաղալ 58 ժամ, բայց շաբաթ օրը շարունակեց խաղալ մինչև հասավ 60 ժամի՝ գերազանցելով ներկայիս շախմատային մարաթոնի ռեկորդը՝ 56 ժամ, 9 րոպե 37 վայրկյան, որը 2018 թվականին ձեռք բերեցին նորվեգացիներ Հալվարդ Հաուգ Ֆլաթեբոն և Սուր Ֆերկինգստադը։
Օնակոյան հույս ունի 1 միլիոն դոլար հավաքել ամբողջ Աֆրիկայում երեխաների կրթության համար ռեկորդային ջանքերով, որոնք սկսվել են չորեքշաբթի օրը:
Գինեսի ռեկորդների գրքի կազմակերպությունը դեռ չի մեկնաբանել Օնակոյի փորձը։ Երբեմն կազմակերպությունից մի քանի շաբաթ է պահանջվում նոր ռեկորդը հաստատելու համար:
Օնակոյան խաղում էր շախմատի ամերիկյան չեմպիոն Շոն Մարտինեսի հետ Գինեսի կանոններով, ըստ որի՝ ռեկորդը գերազանցելու փորձ պետք է կատարվի երկու խաղացողների կողմից, ովքեր անընդհատ խաղում են ամբողջ ժամանակ:
