Տավուշի մարզի Կիրանց համայնքի բնակիչներն այս պահին հավաքվել են գյուղամիջում և քննարկում են Հայաստանի և Ադրբեջանի սահմանազատման հարցերով հանձնաժողովների՝ այսօր ձեռք բերած պայմանավորվածություններից հետո ստեղծված իրավիճակը։ Այս մասին NEWS.am-ի հետ զրույցում հայտնել է Կիրանցի գյուղապետ Կամո Շահինյանը։

Թե ինչ են պատրաստվում անել գյուղի բնակիչներն առաջիկայում, համայնքապետը չի մանրամասնել։

Քաղաքական գործիչ Սուրեն Պետրոսյանը, որը վերջին շրջանում գնտվում էր Ոսկեպարում, NEWS.am-ի թղթակցի հետ զրույցում տեղեկացրել է, որ Բաղանիսի, ինչպես նաև Ոսկեպարի բնակիչները փակել են Նոյեմբերյան տանող միջպետական ճանապարհը՝ իրենց բողոքը հայտնելով ընդունված որոշման կապակցությամբ։