Գերմանիայի էկոնոմիկայի նախարար և փոխկանցլեր Ռոբերտ Հաբեկը հինգշաբթի վաղ առավոտյան չհայտարարված այցով ժամանել է Կիև, գրում է RND-ը։
Հաբեկն ընդգծել է, որ իր այցը նշան է, որ Գերմանիան պետք է և երկարաժամկետ աջակցություն ցուցաբերի Ուկրաինային։
«Նույնիսկ Ռուսաստանի դաժան և անօրինական նվաճողական պատերազմի երրորդ տարում Գերմանիան ամուր կանգնած է Ուկրաինայի կողքին», - ասել է քաղաքական գործիչը Կիևի գլխավոր երկաթուղային կայարան ժամանելուն պես։
Բացի նախագահ Վլադիմիր Զելենսկիի հետ բանակցություններից, Հաբեկը կհանդիպի փոխվարչապետ և էկոնոմիկայի նախարար Յուլիա Սվիրիդենկոյի և էներգետիկայի նախարար Գերման Գալուշչենկոյի հետ։
Բանակցություններում կքննարկվեն Ուկրաինայի էներգետիկ ենթակառուցվածքի վրա ռուսաստանյան վերջին հարձակումները: Հաբեկը ցանկանում է իր զրուցակիցների հետ քննարկել, թե ինչպես կարող է Գերմանիան արագ օգնություն ցուցաբերել։
