Վերջին 10 տարվա ընթացքում Հայաստանում գիտության դոկտորների թիվը նվազել է 150-ով, գիտության թեկնածուներինը՝ 1000-ով, իսկ բուհերում պրոֆեսորադասախոսական կազմը՝ 2000-ով։ Այս մասին ապրիլի 17-ին կայացած քննարկման ժամանակ ասել է տնտեսական գիտությունների դոկտոր Գրիգորի Վահանյանը։

Նա հավելել է, որ վերջին 10-15 տարվա ընթացքում Հայաստանում թեկնածուական պաշտպանածների թիվը կրկնակի նվազել է, այսինքն՝ այդքանով նվազել է գիտելիքի արտադրությունը։

Վահանյանն ասել է, որ Հայաստանը մտավոր կապիտալի ինդեքսով զբաղեցնում է 91-րդ տեղը, որը ցածր է Ադրբեջանից, Վրաստանից և նույնիսկ Վանուատուից։

Ըստ նրա, անվտանգությունն ուղղակիորեն կապված է գրագիտության հետ․ որքան մարդ անգրագետ է, այնքան վտանգավոր է։

Նա անհեթեթ է անվանել Ակադեմիական քաղաքի վերաբերյալ ծրագրերը, որտեղ ինչպես նախատեսվում է, պետք է սովորի և աշխատի 44 հազար մարդ, թեև այսօր ուսանողների և դասախոսների թիվը 80 հազար է։