Հունգարիայում վաճառվում է հազվագյուտ «Վոլգա», որը պատկանել է «ԳԱԶ»-ի դիլերին Գերմանիայում, գրում է Motor-ը։
Բուդապեշտի ավտոսրահը պատրաստ է բաժանվել սեդանի նախատիպից, որը ոչ պաշտոնապես հավաքվել է Գորկու ավտոմոբիլային գործարանում (ԳԱԶ) նախագիծը փակելուց հետո։ Խոսքը 2004 թվականի ԳԱԶ-3111 մոդելի մասին է, չնայած մոդելի զանգվածային արտադրությունը դադարեցվել էր 2002 թվականին։
«Автопоток»-ի փոխանցմամբ՝ մեքենան իր համար պատվիրել է գերմանացի Հորստ Ռոլանդ Յեշեն, ով 2000-ականներին «ԳԱԶ»-ի դիլերն էր Գերմանիայի Դաշնային Հանրապետությունում։
Բուդապեշտում գտնվող մեքենան փոքր վերանորոգման կարիք ունի՝ պլաստիկը փչացել է արևից։
Վաճառողը հիշեցնում է, որ ԳԱԶ-3111 նախագիծը սկսվել է 1990-ականների առաջին կեսին, իսկ ընդհանուր արտադրանքը կազմում է մոտ 400 միավոր։
Հազվագյուտ «Վոլգա»-ի վազքը նշված չէ, բայց դատելով սրահի վիճակից և անվադողերից՝ մեքենան գրեթե չեն վարել։ Անհայտ սերիական համարով մեքենայի համար ցանկանում են ստանալ հինգ միլիոն ֆորինտ (13,9 հազար դոլար):