«Ժողովրդավարական համախմբում» կուսակցության նախագահ Սուրեն Պետրոսյանն ընկերների հետ, օրեր առաջ մեկնել է Տավուշի մարզ և պատրաստվում է մնալ այնտեղ: Նա արդեն հանդիպել է Տավուշի թեմի առաջնորդ Գերաշնորհ Տ․ Բագրատ արքեպիսկոպոս Գալստյանի հետ: Հանդիպման առանցքում մարզի մի քանի սահմանամերձ գյուղերի շուրջ ստեղծված իրավիճակն է: Սրբազանի հետ քննարկումներից հետո Սուրեն Պետրոսյանն ընկերների հետ ուղևորվել է Ոսկեպար և արդեն մի քանի օր է այնտեղ է: Ըստ նրա, գյուղացիների հետ ամենօրյա շփումներն առավել տեսանելի են դարձնում առկա խնդիրները:
Սուրեն Պետրոսյանը նշել է, որ մտադիր են մնալ և ապրել Ոսկեպարում և մինչև վերջ կանգնել գյուղացու կողքին: Ըստ նրա, այն ինչ այսօր տեղի է ունենում Տավուշում, ոչ թե մեկ առանձին մարզի կամ գյուղի խնդիր է, այլ համազգային ճգնաժամ, որի լուծումը կախված է յուրաքանչյուրիցս:
«Այստեղ վճռվում է ամբողջ պետականության եւ Ոսկեպարում բոլորը դա հասկանում են: Ամենակարեւորը, մինչեւ վերջին գյուղացին նրանք ասում են, որ որեւէ կերպ չեն համակերպվելու եւ չեն հանձնվելու որեւէ պարագայում: Մեր բոլորիս խնդիրն է բոլորով կանգնենք ոսկեպարցու կողքը եւ այստեղից սկսենք այդ խորքային փոփոխությունները: Սա չափազանց կարեւոր է, այստեղ վ-ռվում է ամբողջ պետականության հարցը:
Կուլմինացիան, բնականաբար, լինելու Երեւանում, բայց խնդիրը սկսվում է լուծվել այստեղից»,-ասել է նա:
Հիշեցնենք, որ 2022-ի ամռանը, երբ դատարկվում էր Բերձորը, Աղավնոն, Սուրեն Պետրոսյանը մեկնել էր այնտեղ եւ հայտարարել, որ Բերձոր և Աղավնո համայնքների համար կազմակերպվում է ինքնապաշտպանություն։ Նա կոչ էր արել միանալ իրենց:
