«ՀայաՔվեի» խորհրդի անդամներ Ավետիք Չալաբյանը, Վահե Դարբինյանը, Արմեն Մանվելյանը և Սամվել Հակոբյանն այսօր այցելել են ՀՀ-ում ԻԻՀ դեսպանություն և գրառումներ արել Իրանի բարձրաստիճան պաշտոնյաների ողբերգական ավիավթարի առիթով բացված սգո մատյանում:
Այս մասին NEWS.am-ը տեղեկանում է «Հայաքվե» նախաձեռնությունից:
Հիշեցնենք, որ այս պահին Հայաստանի բարձրաստիճան պաշտոնյաները, դեսպանները այցելում են ՀՀ–ում Իրանի դեսպանություն՝ հարգանքի տուրք մատուցելու Իրանի նախագահ Իրանի նախագահ այաթոլլա Սեյեդ Էբրահիմ Ռայիսիի, ԱԳ նախարար Հոսեյն Ամիր Աբդոլլահիանի և ուղղաթիռում գտնվող ուղեկցող պաշտոնյաների ողբերգական մահվան կապակցությամբ:
Նախօրեին Իրանի դեսպանատունը հաղորդագրություն էր տարածել՝ նշելով, որ Իրանի Իսլամական Հանրապետության դեսպանատանը մայիսի 22-ին եւ 23-ին կբացվի Սգո մատյան, որտեղ հնարավոր կլինի գրառում կատարել:
Այսօր ՀՀ վարչապետ Նիկոլ Փաշինյանն աշխատանքային այցով մեկնել է Իրանի Իսլամական Հանրապետություն, որտեղ կմասնակցի ԻԻՀ նախագահ Էբրահիմ Ռայիսիի, Արտաքին գործերի նախարար Հոսեյն Ամիր Աբդոլլահիանի և նրանց ուղեկցողների հարգանքի տուրքի և ցավակցություն հայտնելու պաշտոնական միջոցառմանը:
