Իրանի ԶՈւ դրոնները հայտնաբերել են Էբրահիմ Ռաիսիի ուղղաթիռի կործանման վայրը։ Համապատասխան հայտարարությունը հրապարակել է իսլամական հանրապետության Գլխավոր շտաբը։
«Երկուշաբթի վաղ առավոտյան ուղղաթիռի կործանման ստույգ տեղը հայտնաբերվել է Իրանի ԶՈւ անօդաչուների կողմից (որոնք հետ են կանչվել Հնդկական օվկիանոսի հյուսիսային մասում կատարվող առաքելությունից)՝ փրկարարնեիր ցամաքային ուժերի հետ միասին»,- հայտարարության տեքստը մեջբերել է Tasnim գործակալությունը։ Դրոնը, որը սկզբում ուղարկվել էր թուրքական կողմից կործանման ենթադրվող վայր, «չի կարողացել ստույգ տեղեկացնել ուղղաթիռի անկման տեղի կոորդինատները ամպերի պատճառով տեղանքը ճանաչելու անհրաժեշտ սարքավորում չունենալու հետեւանքով եւ վերադարձել է Թուրքիա, նշել են Գլխավոր շտաբում։
Մայիսի 20-ին Թուրքիայի տրանսպորտի նախարար Աբդուլքադիր Ուրալօղլուն տեղեկացրել էր, որ ուղղաթիռի անկման վայրը հայտնաբերել է աղետի վայր Թուրքիայի ուղարկած Ak nc անօդաչուն, որից ստացվել են տվյալներ բոլոր ուղեւորների զոհվելու մասին։
