Ռուսական զորքերը մայիսի 22-ի գիշերը գրոհել են էներգետիկ ենթակառուցվածքի օբյեկտները Ուկրաինայի հյուսիս-արեւելքում՝ կիրառելով անօդաչուներ, տեղեկացրել է «Ուկրէներգո» ընկերությունը։ Նրա տվյալներով՝ խախտվել է Սումի քաղաքի եւ կից շրջանների էլեկտրամատակարարումը։

«Շահեդ» դրոնների հարվածի տակ են ընկել էներգետիկ օբյեկտները Շոստոկ եւ Կոնոտոպ քաղաքներում, տեղեկացրել են մարզային վարչությունում։ Սումիի գրոհի հետեւանքով դադարել է էլեկտրաէներգիայի մատակարարումը, հայտնել է քաղաքի ռազմական վարչության ղեկավար Ալեքսեյ Դրոզդենկոն։

Առավոտյան ժամը 07.00-ին, տարածաշջանային իշխանությունների տվյալներով, էներգետիկները մասամբ վերականգնել էին էլեկտրականության մատակարարումը Սումի, Ռոմենի եւ Ախտիրի շրջաններում։ Աշխատանքները շարունակվում են։

Ռուսական զորքերը կիրառել են 24 հարվածային անօդաչու, հայտնել է Ուկրաինայի ԶՈւ օդուժի հրամանատար Նիկոլայ Օլեշչուկը։ ՀՕՊ ուժերը ոչնչացրել են բոլոր անօդաչուները Նիկոլաեւի, Դնեպրոպետրովսկի, Զապորոժիեի, Դոնեցկի, Սումի եւ Օդեսայի մարզերում։

Սումիի վարչության տվյալներով՝ այստեղ ոչնչացվել է յոթ ռուսական դրոն։