Էփրիքոթ Կապիտալը ներդրումային ընկերությունը հայտնում է իր «Apricot talks խելացի ներդրողի փոդքասթ» ծրագրի մասին։ Առաջին էպիզոդն այժմ հասանելի է հիմնական փոդքասթ հարթակներում և YouTube-ում:
«Էփրիքոթ Կապիտալը հանձնառու է Հայաստանում զարգացնել առողջ ներդրումային մշակույթ: Իսկ այն սկսվում է հանրությանը ներդրումների, դրանց առաջարկած հնարավորությունների, ինչպես նաև ռիսկերի մասին կրթելուց»,- ասել է Էփրիքոթ Կապիտալի գործադիր տնօրեն Վաչիկ Գևորգյանը։
Խելացի ներդրումները հասանելի դարձնել բոլորի համար
Այդ կապակցությամբ ընկերությունը սկսել է Էփրիքոթ Ակադեմիա նախաձեռնությունը, որն իրենից ներկայացնում է ընկերության կայքում և այլ հարթակներում տեղեկատվական և կրթական նյութերի պարբերական հրապարակում, ինչպիսին են Ներդրողի բառարանն ու Հարց ու Պատասխան շարքը, ներդրումների թեմայով ինտերակտիվ վարպետությունների դասերի կազմակերպումը, իսկ հիմա նաև՝ փոդքասթը։
«Apricot talks խելացի ներդրողի փոդքասթ»-ը փորձագետների հետ զրույցների շարք է, որոնք կարող են օգտակար լինել լայն հանրությանը փողերի և ներդրումների հետ կապված ավելի խելամիտ որոշումներ կայացնելու գործում։
Որտեղ լսել և դիտել
«Apricot talks խելացի ներդրողի փոդքասթ»-ը հասանելի է
- Spotify-ում
- Apple Podcasts-ում
- YouTube-ում
«Ինչո՞ւ կատարել ներդումներ» խորագրով առաջին էպիզոդը ներառում է անդրադարձ այնպիսի թեմաներին, ինչպիսիք են
- Ներդումներ կատարելու հիմնական դրդապատճառներն ու գործիքները
- Ակտիվ և պասիվ ներդրումների տարբերությունը
- Բորսայում շրջանառվող ֆոնդերը (ETF), և ինչպես են դրանք աշխատում
- Ինչը կարող է ազդել արժեթղթերի շուկայի վրա
- Տեղական շուկայում վարքագծային շեղումը
- Ինչո՞ւ են ներդրողները համարվում իռացիոնալ
- Որո՞նք են բաժնետերերի 3 իրավունքները
Լինելով հաճախորդամետ ընկերություն՝ Էփրիքոթ Կապիտալը հնարավորություն է տալիս ունկընդիրներին մասնակցել փոդքասթի ապագա էպիզոդների պատրաստմանը՝ տեսանյութի մեկնաբանություններում կամ ընկերության սոցիալական ցանցերի էջերին նամակ գրելու միջոցով թողնելով հարց կամ թեմայի առաջարկ:
Փոդքասթը պատրաստել և արտադրել է «Բանաձև» ընկերությունը։