Տարօրինակ է, որ ՌԴ ԱԳՆ ներկայացուցիչը (Մարիա Զախարովան - խմբ.) մտահոգություն է հայտնում, որ Հայաստանի ներսում ներքաղաքական գործընթացներին ոչ ոք չի միջամտում։ Այս մասին մայիսի 17-ին լրագրողների հետ զրույցում ասաց Հայաստանի խորհրդարանի արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Սարգիս Խանդանյանը։
«Թվում է, թե ափսոսանք է հայտնվում, որ ներքաղաքական գործընթացների առումով հաջողություններ չեն արձանագրվում»,- հավելեց նա։
Պատգամավորը նշեց, որ եթե Հայաստանում կատարվողը մեկնաբանելու խնդրանք լինի, իշխանությունները հաճույքով կանեն դա։ «Մտահոգության պատճառ չկա, իրավապահ մարմինների աշխատանքը համաչափ է, և դա քննադատության ենթակա չէ»,- ընդգծեց Խանդանյանը։ Հարցին, թե արդյոք համաչափ է, որ մի քանի ոստիկաններ մեկ ցուցարարի են բերման ենթարկում, նա դրական պատասխանեց.
Նրա կարծիքով, եթե անհրաժեշտություն առաջանա, և ցուցարարները դրսևորեն օրենքի գերակայությանը չհամապատասխանող վարքագիծ, ապա պետք է համապատասխան արձագանք լինի։
«Հայաստանում ոչ ոք չի ստիպում որևէ մեկին ձեռնպահ մնալ կարծիք հայտնելուց»,- վստահեցրեց Խանդանյանը։
Նա հավելեց, որ մասնագիտական էթիկան թելադրում է, որ պարտականությունները կատարելիս պետք է զերծ մնալ քաղաքական գործընթացներին մասնակցելուց։
Նա հավելեց, որ մասնագիտական էթիկան թելադրում է, որ պարտականությունները կատարելիս պետք է զերծ մնալ քաղաքական գործընթացներին մասնակցելուց։
Նա այսպես մեկնաբանեց Յոլյանի անվան Արյունաբանական կենտրոնի տնօրեն Սամվել Դանիելյանի պաշտոնանկությունը, ով, ըստ մամուլի հրապարակումների, աջակցել է Հայ առաքելական եկեղեցու Տավուշի թեմի առաջնորդ Բագրատ արքեպիսկոպոս Գալստանյանի գլխավորած «Տավուշը հանուն հայրենիքի» շարժմանը։
Միաժամանակ, ըստ պատգամավորի, նման ազատություն կա մասնագիտական գործունեությունից դուրս։
